‘O cantastorie

E comm’arranca ‘a rota ‘e stu pianino
e ‘o viento spezza ‘e corde ‘e ‘stu telone
‘ncopp”a sagliuta ‘nun pò bastà ‘na mano
‘na mano sola nun c”a pò fà a tirà
viene cu’ mmè vocca fresca e cianciusella
viene cu’ mmè cu’ chist”uocchie a zennarielle
sò puveriello ma sò ‘nu rrè vicino a te
caco cuntanne chiacchiere quartiere pe’ quartiere
storie ca’ songhe favule pa’ gente ca’ s”e crere
cu’ ‘stu telone janco cagne ‘o fatto ma ‘a scena resta llà
e sì me sento stanco all’intrasatto ‘mpruvviso c’aggia fà
comme è pesante ‘a musica ca’ porta ‘stu traino
e cunnulea ‘stu carreco ca’ chiano chiano se ne va
se recita a suggetto pe’ campà ma n’angelo ‘mpastato ‘e verità
nun dico ‘na buscia pecchè è ‘nnammurata sulo e me.
‘Nu bellu juorno priparo ‘nu scenario
me vesto ‘a festa e annocco pure ‘o core
pe’ n’ora sola nun ammetto storie
chi voglio bene vò bene sulo a me
l’ammore và pe’ sagliute e sagliutelle
pe’ se fermà pe’ nu vase a pizzichillo
ma comm”è bello ‘stu sbatta sbatta ‘mpietto a me
comme è pesante ‘a musica ca’ porta ‘stu traino
e cunnulea ‘stu carreco ca’ chiano chiano se ne va
se recita a suggetto pe’ campà ma n’angelo ‘mpastato ‘e verità
nun dico ‘na buscia pecchè è ‘nnammurata sulo e me.
Co’ permesso d”o quartiere corro subbito ‘a spusà
voglio ‘o tiempo ‘e dì nu sì ‘nu bellu sì
e pò torno ccà

‘O calippese napulitano

‘Na cumitiva ‘e gente
sta mangianno alleramente,
abbascio Marechiaro
e nu pusteggiatore sta sunanno
‘nu mutivetto nuovo, che sarra’?
‘O cumpare, bello e caro,
spiega ‘o fatto comme va:
Chisto e’ ‘o calippese
de spaghette a vongole, chisto è o calippese
che guagliune abballano,
chisto è o calippese
‘e tutta giuventu’?
Ma comme se sona?
co putipu’!
Chisto è o calippese
ch’annammore ‘e ffemmene
chisto è o calippese
che è ccummare cantano
siente che musica!
Nun se scorda cchiu’!
Ma comme se sona
co putipu’ Ue’, ue’!
E’ ‘nu ballo americano
‘o calippese! U e’, ue’!
abballammo mano a mmano
‘o calippese!
Guardate ‘sti nennelle!
Che abilita’!
‘Nu passo ‘a cca’, ‘nu passo ‘a lla’
e sti giuvanuttielle ce sanno fa’!
Ma so napulitane?
E gia’!
Chisto è o calippese
de spaghette a vongole,
chisto è o calippese
che guagliune abballano,
chisto è o calippese
‘e tutta giuventu’?
Ma comme se sona?
co putipu’!
Ma comme se sona?
co putipu’!
Chisto eo calippese
ch’annammore ‘e ffemmene
Chisto eo calippese
chee ccummare cantano
siente che musica!
Nun se scorda cchiu’!
Ma comme se sona
co putipu’ Ue’, ue’!
E’ ‘nu ballo americano
‘o calippese! U e’, ue’!
abballammo mano a mmano
‘o calippese!
Guardate ‘sti nennelle!
Che abilita’!
‘Nu passo ‘a cca’, ‘nu passo ‘a lla’
e sti giuvanuttielle ce sanno fa’!
Ma so napulitane?
E gia’!
Chisto e’ ‘o calippese
de spaghette a vongole, chisto è o calippese
che guagliune abballano,
chisto è o calippese
‘e tutta giuventu’?
Ma comme se sona?
co putipu’!
Ma comme se sona?
co putipu’!
Ma comme se sona?
co putipu’!

‘O cacciavino

Quanno vengo ccà p’ ‘o vino
aggio ‘ncapa na mazzata.
Pe’ sagli’ sta rariata
ce vo’ apprimma na custata:
si no rieste a mità strata
senza ‘o sfizio ‘e ce arriva’.
Menu male ca lle porto
nun già vino, na mistura:
d’ ‘e varrile ‘a sciacquatura,
d’ ‘e butteglie ‘a sculatura,
n’acqua sporca adderittura
ca chi assaggia ha da sputa’.
Pe’ ffa’ ‘o mestiere
d’ ‘o canteniere
t’ê ‘a sape’ arrangia’.
Miezu quintino
duje litre ‘e vino
l’hê ‘a fa’ addeventa’.
L’acqua ‘e Serino
sempe vicino
pe’ pute’ allunga’.
‘O canteniere
ha da sape’ ‘o mestiere
pe’ pute’ arrubba’.
Ce sta ‘a serva d’ ‘o signore
ch’è nu piezzo sopraffino.
Vede a mme e se sta vicino:
io lle faccio ‘o surdiglino.
Me ‘mbriaca cchiù d’ ‘o vino:
nun riesco a ‘mbuttiglia’.
Facc’i’ tutt’ ‘o vino ‘nterra:
essa ride e piglia ‘a pezza.
Po’ s’acala e io cu sverdezza,
‘mpaparato p’ ‘a priezza,
do’ l’assardo a sta furtezza
cu ‘o pretesto d’annetta’.
Pe ffa’ ‘o mestiere
d’ ‘o canteniere
t’hê ‘a sape’ arrangia’.
Si vuo’ fa’ ‘o ‘mpicchio
spila ‘o cavicchio
pe’ te da’ da fa’.
Quanno ‘a cliente
te tene mente
nun l’hê ‘a fa’ aspetta’.
Si’ ‘o preferito:
si se rompe ‘o vvrito
nun t’ ‘o ffa’ pava’.

‘O bar ‘e l’università


Dint’a stu bar ‘e ll’Universitá,
                 tu parle ‘e te…
                 io parlo ‘e me…
                 parlammo ‘e nuje…
                 Quanta buscíe,
                 quanta felicitá
                 ca véne e se ne va…
 
                 ‘Nnammurate comm’a te,
                 una sola ce ne sta…
                 se chiamma giuventù,
                 comme te chiamme tu…
 
                 Dint’a stu bar ‘e ll’Universitá,
                 trovo ‘e vint’anne ‘e tantu tiempo fa…
                 Comm’è doce stu ccafè,
                 ca mme piglio ‘nziem’a te…
                 Comm’è amara ‘a veritá:
                 Sceta ‘e suonne…e se ne va…
 
                 Dint’a stu bar ‘e ll’Universitá,
                 trovo ‘e vint’anne ‘e tantu tiempo fa…
                 Comm’è doce stu ccafè,
                 ca mme piglio ‘nziem’a te…
                 comm’è amara ‘a veritá:
                 Sceta ‘e suonne…e se ne va…
 
                 ‘Nnammurate comm’a te
                 una sola ce ne sta:
                 se chiamma giuventù…
                 ma i’ nun ‘a trovo cchiù…

‘O balcone d’ ‘a simpatia

‘E rimpetto ‘a fenesta mia
stà ‘o balcone d”a simpatia
‘na frischezza ‘e guagliona
bella brunettella
‘a cchiù bruna è ‘na guappetella
cu’ ‘nu nievo ‘ncoppa ‘a faccella
fa ‘e servizie e nun guarde ‘e stelle
comme fanne chell’ati tre
e aspetto che s’affaccia
‘a guappetella cu’ ‘nu nievo ‘nfaccia
cu’ l’uocchie ‘e passione
e labbre rosse comme ‘a ‘nu mellone
che farrìa pe’ ma guardà
che darrìa pe’ ma vasà
l’autriero me ‘ncuntraie
cu’ l’uocchie dint” l’uocchie e me ‘ncantaie
‘ncantat’ rimanett’
quanno ‘o balcone ‘nfaccia me chiudette.
Chesti brune sò quatte sore
e ‘a cchiù grossa nun tene core
l’ati tre sò tre cianciuselle tunnulelle
ma ‘a superbia d”a guappetella
m”a culpito dint”a ‘na scella
e io me sento comme ‘a n’auciella
ca’ stà pena vò fà sapè
e aspetto che s’affaccia
‘a guappetella cu’ ‘nu nievo ‘nfaccia
cu’ l’uocchie ‘e passione
e labbre rosse comme ‘a ‘nu mellone
che farrìa pe’ ma guardà
che darrìa pe’ ma vasà.
Ajere s’affacciaie
spanneva ‘e panne quanne me menaie
nu fulmine ‘ luntano
pecchè ‘nu panno l”e cadette ‘a mano
che farrìa pe’ l”e parlà
che darrìa pe’ m’abbraccià
mò m’appresento ‘o pate
le dico sì essa vò sò ‘nnammurato
tengo l’impiego ‘a posta
ma sposa ‘int”a ‘nu mese ‘a figlia vosta.
Che farrìa pe’ l”e parlà
che darrìa pe’ l’abbraccià.

‘O balcone ‘e Napule


                Villanova!
                E che balcone
                pe’ chi è giovane e vò’ bene!
                Tengo ‘e faccia ‘a luna chiena…
                Tengo ‘mmócca na canzone!
                Dint”e bbraccia tengo a te!
 
                Doppo n’anno luntana!
                Ma è nu suonno o si’ tu?!
 
                Gira gira e gira ‘Ammore…
                ‘Sta vucchella, ‘a n’anno sano,
                quanta diébbete ca tene,
                                        Carulí’!
                Vocca e vocca, fiato e fiato…
                nu vasillo appriesso a n’ato…
                Nun te movere…accussí!
 
                                   II
 
                                        Villanova!
                E, â part”o mare,
                nu quartino pe’ sti core!…
                Luggetella e gallenare…
                Dorme ‘a ‘gnóra ‘int”a cuntrora…
                Tu daje latte…e i’ guardo a te…
 
                Mammarella a vint’anne!
                Quanta ciance vuó’ fá!
 
                Gira gira e gira ‘Ammore,
                – sarrá ll’aria ca t”o mména –
                scritturammo ‘na vammana,
                                        Carulí’!
                Vocca e vocca, fiato e fiato…
                n’ato…n’ato…n’ato e n’ato:
                tutte máscule…accussí!…
 
                                        Villanova!

Nuttata ‘e sentimento


Che notte! Che notte!
                Che luna! Che mare!…
                Stasera mme pare
                scetáto ‘e sunná…
                        Cu st’aria serena
                        ca scippa da ‘o core
                        suspire d’ammore,
                        durmí nun se pò!
 
                  Chiara è ‘a luna,
                  doce è ‘o viento,
                  calmo è ‘o mare
                                 oje Carulí’!…
 
                  ‘Sta nuttata ‘e sentimento,
                  nun è fatta pe’ durmí…
 
                               II
                Luntano, luntano,
                p”o mare turchino,
                vulesse, a te ‘nzino,
                nu suonno sunná…
                        Nu suonno ‘e ducezza,
                        nu suonno ‘ncantato,
                        cu tico abbracciato,
                        sunnanno, murí…
 
                  Chiara è ‘a luna
                  …………………….
 
                               III
                Cchiù bella, cchiù doce,
                ‘sta notte sarría
                si tu, vita mia,
                venisse a vucá…
                        Na storia d’ammore
                        te conto, si viene,
                        si caro mme tiene,
                        rispunne ca sí!…
 
                  Chiara è ‘a luna
                  …………………….
 
                  Finale:
 
                  Pe’ durmí, Carulí’,
                                          pe’ durmí!…

Nun voglio fa’ niente

Che sole! Che sole, che sole lucente!
Ma chi po’ ffa niente!
Ma chi vo’ ffa niente!
Che bella canzone che sona ‘o pianino!
Mò ‘nzerro ‘o balcone ppe’ nun ‘a sentì.
Che bella ffigliola che passa p’o vico!
Mò ‘a chiammo e lle dico.
“Vulete salì?”
Pecchè… ccu stu sole, stu sole cucente
Nun pozzo ffa niente
Nun voglio ffa niente
Ma dint’a cuntrora
Che caldo se sente!
Ma chi po’ ffa niente!
Ma chi vo’ ffa niente!
Mò piglio, me spoglio,
Me metto int’o lietto,
Me leggo nu foglio, me metto a durmì.
Ma ‘a cammera ‘e lietto
Sta troppo luntano…
…va mmeglio ‘o ddivano!
…’nu passo e sto llà!
Pecchè… cu stu sole
Stu sole cucente
Nun pozzo ffa niente
Nun voglio ffa niente
Che luna! Che…

Nun sò geluso


                 ‘A che stó’ facenno ‘ammore
                 cu ‘sta ‘mpésa ‘e Cuncettina,
                 maje nun passa na matina
                 che nun c’îmm”a appiccecá…
                                Cuncettina è sartulélla:
                                va cu ‘a moda e ‘a fantasia
                                e pirció ca, ‘mmiez’â via,
                                maje cujèta ‘a fanno stá…
                 E io nce soffro pecché ‘a voglio bene assaje
                 e pe’ chesto stó’ passanno tanta guaje:
 
                 No, nun è ca i’ só’ geluso ‘e Cuncettina
                 pecché saccio comme e quanto mme vò’ bene…
                 ma pe’ stu bene, ca va e ca vène,
                 io, cierti ccose, nun mm”e ffido ‘e suppurtá!
 
                                              II
                 Per esempio, ajére ô juorno,
                 mme nce sóngo appiccecato
                 pe’ nu pèttene ‘ndurato
                 ca s’aveva miso ccá…
                                Po’ purtava nu scarpino
                                piccerillo piccerillo…
                                chillu pède, ch’è tantillo,
                                se fermavano a guardá…
                 Nun appena mme vedette s’allummaje…
                 e i’ dicette: “Manco â casa te ne vaje!”
 
                 No, nun è ca i’ só’ geluso ‘e Cuncettina
                 ……………………………………………………….
 
                                             III
                 E nce simmo appiccecate
                 n’ata vota stammatina
                 pe’ na vesta ‘e seta fina
                 ca, pe’ forza, vò’ purtá:
                                Ll’ha ‘ntuppata nu signore,
                                doppo po’ nu surdatiello…
                                e nu bellu munaciello
                                ll’aggio ‘ntiso ‘e suspirá…
                 E aggio visto tutta quanta ‘a funzione…
                 mm’arraggiavo ma dicevo: “Hanno ragione!”
 
                 No, nun è ca i’ só’ geluso ‘e Cuncettina
                 ……………………………………………………….