‘A canzone d’ ‘e tre studiente

Tre belle e ricche giuvene,
studiente ‘e ll’alt’ Italia,
ricapitaino cca’…
Attiente a nnuje c’ha a Nnapule
si dammo retta ‘e femmene
perdimmo a libertà…
Nu sfizio sì, dicettero
ma o sentimento no:
“o mare, ‘o cielo, ‘a luna”… e basta mò!

E ‘ntranghete, ‘into ‘o trammo tre figliole
tre rose ‘e Maggio, belle cumm’ ‘o sole
stu trammo, pe’ Pusilleco,
pareva nu buchè…..
e ‘e tre studiente appriesse tutt”e tre

Scurnose e cianciannose,
sti tre figliole languide
dicettero ca sì….
dicettero “purtatece pe’ Margellina e Frisio,
ch’ ‘a luna sta p’ascì…”

E a luna tutta Napule
facette ‘nnargentà…
e tutt’ e core ardente suspirà…
Chitarre e manduline a Marechiare,
canzone ‘int ‘e varchette mmiez’ ‘o mare…
… E tre studiente in estasi,
che buò cchiù sfezià…
…ma se mparaino a chiagnere e a cantà!…

Passiate pe’ Pusilleco,
p’ ‘e Ponte russe e ‘o Vommero…
canzone ‘e giuventù…
‘E tre studiente scapule,
‘ncantate ‘a sti ‘ncanteseme,
nun sò partute cchiù!…

“Papà e mammà carissimi,
sposati siamo già,
ch’a Nnapule, l’ammore ah che fa fà…
Viaggio ‘e nozze ricco ‘e sentimento
niente Parigge, Napoli Sorrento…
tre beli spusarizzie
felice e ha ca no…
tre mamme ‘e figlie pe’ ll’Italia ‘e mò
e avettero ‘sta lettera
firmata “tuo papà”
“… mo vengo io pure lloco cu mammà… “