‘A cartulina ‘e Napule

Mm’è arrivata, stammatina, na cartulina:
                 e ‘na veduta ‘e Napule
                 che mm’ha mannato mámmema…
                 Se vede Capri e Procida
                 se vede Margellina,
                 nu poco ‘e cielo ‘e Napule…
                 che bella cartulina!
                 Napule,
                 aggio scritto pe’ te chesta canzone…
                 e, p”o ricordo ‘e mámmema,
                 aggio chiagnuto lacreme ‘e passione!
 
                 E se vede pure ‘o mare
                 cu Marechiaro:
                 mme parla cchiù ‘e na lettera
                 ‘sta cartulina ‘e Napule!
                 Che gioja, che delizia
                 Surriento quann”e fino
                 comm’è bello ‘o Vesuvio…
                 ‘nfacc”a ‘sta cartulina!
                 Napule,
                 aggio scritto pe’ te chesta canzone…
                 e, p”o ricordo ‘e mámmema,
                 aggio chiagnuto lacreme ‘e passione!
 
                                                          
                 “Comme tu puó’ stá felice
                 – mamma mme dice –
                 luntano tanto ‘a Napule,
                 luntano tanto ‘a mámmeta?”
                 E soffro mille spáseme,
                 ‘ncore tengo na spina
                 quanno cunfronto ‘America
                 cu chesta cartulina!…
  Napule,
                 aggio scritto pe’ te chesta canzone…
                 e, p”o ricordo ‘e mámmema,
                 aggio chiagnuto lacreme ‘e passione!

Aggio scritto pe’ te chesta canzone