‘A spingola

  •     ‘A SPINGOLA (A. De Gregorio – F. Rendine 1952)

Settembre diciannove, ‘o nomme mio,

na spingola d’argiento me regalaste tu.

Superstizione o che, certo ca i’ pensaie

“a stu mumento nun jamme bbuono chiù”

‘A notte manco n’attimo putette arreposà,

c’o tante cose ‘a scegliere chi t’o facette fa!

‘A spingola è spartenza,

pe’ scungiurà ‘o pericolo ‘i te dicette “pogneme”.

Tu rispunniste” oi ni, ‘a spingola

nun spezza na catena” e te mettiste ‘a ridere

‘e st’ammore e pognere nun me vuliste ‘e ‘mmane

pecchè m’avive già pugnuto ‘o core.

‘O juorno appriesso, nun m’o scordo maie,

c’appiccecaime brutto, c’avetteme lassà.

Cu nato mo a braccetto te nne vaie,

sarria capace ‘e tutto pe’ farve appiccecà!

Pe me piglià ‘a rivincita facesse chissà che

te desse a stessa spingola ca tu me diste a me!

‘A spingola è spartenza,

pe’ scungiurà ‘o pericolo ‘i te dicette “pogneme”.

Tu rispunniste” oi ni, ‘a spingola nun spezza na catena”

e te mettiste ‘a ridere ‘e st’ammore

e pognere nun me vuliste ‘e ‘mmane

pecchè m’avive già pugnuto ‘o core.

E te mettiste ‘a ridere ‘e st’ammore

e pognere nun me vuliste ‘e ‘mmane

pecchè m’avive già pugnuto ‘o core.

‘A spingola è spartenza. E m’è spartette a te!!