‘A testa aruta

Bella figliò, bella figliò,
I vengo ‘a testa aruta e a Malvarosa.

‘Na sera pe’ Pusilleco saglievo,
jeve vennenne l’èvere addirose,
me chiamma na’ figliola vruccolosa:
“Saglite, giuvinò, ‘ncopp’à sta casa.

Vui che vennite?” “I veng’a malvarosa,
garuofene schiavune, erv’addirose.”
“Nu tiempo ’i vulevo ‘a testa aruta.”
“Me ne rispiace, ‘i mò l’aggio vennuta.”

“L’ite vennute…e chi se l’à accatata?”
“Nu’ giovane ‘e barbiere ammartenate,
è stato pe’ na’ femmena traduto,
e mmo s’à vo’ scurdà, vò bbene a n’ata!”

(“Bella figliola, vui.. pecchè chiagnite?
St’uocchiu lucente ‘e lacreme tenite….)
Comme site simpatica e cianciosa,
for’a stu barcunciello a suspirà!

“Nu tiempo ‘I vulev’a Testa Aruta”.
“’I tengo n’erba ch’è miraculosa
ma nun ‘a vengo a llire, ‘a veng’ ‘a vase”
“I sò figliola e nun faccio st’i ccose!”

“E vase nun so ccose scandaluse,
mamme se vase ‘e figli, spose ‘e spuse:
(e Vui che site belle cchiù ‘e ‘na rosa),
adda murì ‘o barbiere e chi s’ò sposa!”

Aggiu vinciuto ‘o punto e sò cuntente,
a chi me giova nun (diverto) mai,
te veco quacche vvota comm’o viente,
cchiù t’alluntane e cchiù te voglio bbene.

(………solo musica…………………)
Cu st’uocchie ‘e sentimento niri niri,
for’a stu barcunciello a suspirà!