‘A trumbetta ‘a Vicaria

Dicette a páteto:
“Mme sposo Amelia,
ma manco ll’aria
ll’ha da appurá”.
“Onoratissimo”
risponne páteto
“ma almeno a mógliema
ll’aggi’ ‘a cuntá”.
E dint’a n’attimo,
st’ammore serio
s’è fatto comico.
P’ ‘e strate ‘e Napule
mme sento ‘e dicere:
“Che bella coppia.
Viate a loro.
Hanno fatto, bella mia,
‘a trummetta â Vicaría”
Io só’ nu giovane,
stimato e serio,
e tu si’ ‘a femmena
ca fa pe’ me.
Ma sono in collera
sulo cu mámmeta
ca troppo esaggera
parlanno ‘e te.
E dint’a n’attimo
…………………..
Va’ a dí a ‘o Parroco
ch’ ‘a fata ‘e Napule
sposa a nu princepe
ch’è figlio ‘e rre.
E chistu Parroco,
‘a copp’ ‘o pulpito,
ne fa na predeca
p’ ‘o ffá sapé.
E vuó’ scummettere
ca mo, in Germania,
pe’ tutt’ ‘America
e ll’Australia,
se sente ‘e dicere:
“Che bella coppia.
Viate a lloro.
Hanno fatto, bella mia,
‘a trummetta â Vicaría”.