‘A voce ‘e primmavera

Ma pe’ Catarenella che addora ‘e malva rosa
tengo ‘a ruta nuvella e l’evera addirosa
figliole meje rerite cantate juorne ‘e sera
e comme nun sentite ‘a voce ‘e primmavera
porto tutt”e matine garuofane scarlatte
camelie e gesummine e rrose ncappucciate
ma pe’ Catarenella che addora ‘e malva rosa
tengo ‘a ruta nuvella e l’evera addirosa.
Saglieno pa’ campagna cantanno li figliole
areto a ‘na muntagna rerenno sponta ‘o sole
tiempe felice e belle e campe te ra tutto
da e ciure a l’aucielle te fa pruvà li frutti
ma pe’ Catarenella che addora ‘e malva rosa
tengo ‘a ruta nuvella e l’evera addirosa.