Addio mia bella Napoli

Bionda, te guardo e d’int’ ‘a stuocchie belle
ce ‘sta ‘a bellezza e ‘a ‘nfamità d”o mare,
ce veco ‘o cielo arricamato ‘e stelle,
surgiva d’acqua fresca tu me pare.
Ma ‘o core mio ricchezza nun ne tene
però te sape scrivere ‘e canzone….
addio mia bella Napoli m”he suspirate tu
e mò nun tuorne cchiù, te scuorde do paese d”e sirene
e doppo tanto bene te scuorde pure ‘e me.
Mamma m”e legge ‘sta malincunia
e ‘o sape ca’ me perdo cu ‘st’ammore
me fa ‘na smorfia finta d’allegria
e pò m’astregna forte ‘ncopp’ ‘o core,
no, nun le dico ‘o male c’a me faie
o campo o moro nun ce’o ddico maie
addio mia bella Napoli m”he suspirate tu
e mò nun tuorne cchiù, te scuorde do paese d”e sirene
e doppo tanto bene te scuorde pure ‘e me,
te scuorde do paese d”e sirene
e doppo tanto bene te scuorde pure ‘e me.