Cantammola ‘sta canzone

So’ mille ‘e mille ‘ste fenestelle
e ognuna tene ‘o luccico ‘e ‘na stella
a ccà s’affaccia ‘na capa riccia
a llà ‘na scuntrusella ‘a stà a guardà
arriva ‘nu tenore ‘ndò stanno ‘e prufessure
e jamme jamme jamme ‘a serenata adda vulà
cantammola ‘sta canzone c’addora ‘e mare
sunammola ‘sta chitarra che sceta ‘a luna
purtammo ‘sta serenata cu’ tutto ‘o core
pa’ bionda pa’ rossa pa’ bruna
scetammole cu’ ‘e suspire ‘ste nenne in fiore
dicimmece ‘na parola che ‘e fa sunnà
ammore ammore ammore
cantammola ‘sta canzone c’addora ‘e mare

‘A luna saglie a foglia a foglia
e mieze ‘e rrose va cercanne ‘a meglio
ma po’ se ‘mbroglia a ‘sta luna ‘e Luglio
e a nnammurata mia nun vò argentà
e ‘a bionda ca’ se spassa ‘a bionda m’arrepasse
e ‘a bruna guarda e dice oi nì oi nì chi t’ho fa fa
scetammole cu’ ‘e suspire ‘ste nenne in fiore
dicimmece ‘na parola che ‘e fa sunnà
ammore ammore ammore
cantammola ‘sta canzone c’addora ‘e mare
cantammola ‘sta canzone c’addora ‘e mare