Core napulitano

  •     CORE NAPULITANO (Martucci – Ricciardi 1965)

E’ nu pianino
ca sona nu mutivo ‘e na canzona
ca mme fa ricurdá addó’ mme trovo.
Quanno se parla da luna,
de stelle e do mare,
se sape ‘o ppecché…
Quanno se parla ‘e canzone,
se parla d’ammore:
se parla ‘e te! ‘E te…
Comme si’ bello, oje core napulitano
cante, suspire e chiagne dinte ccanzone
e nun te scuorde maje,
pure si vaje luntano,
ca ‘o primmo ammore tujo
se chiamma Napule…
Comme si’ doce oje core napulitano:
‘o meglio ‘nnammurato si’ sempe tu,
‘e Napule e de ccanzone…
Comme si’ bello, oje core napulitano!
Comme si’ doce, oje core napulitano…
‘o meglio ‘nnammurato si’ sempe tu,
‘e Napule e de ccanzone…
comme si’ bello oje core napulitano.
E’ Napule ‘sta musica
ca maje se pò scurdá!…