Da scugnizzo a marenaro

Cca ‘n’ce sta a cosa fina
faciteme passa’
pecchè sto inte ‘a marina
nun cerco ‘a carita’,
mo’ dormo inte ‘a cuccetta
e spisse me sto a lava’
e magno cu ‘a furchetta
me saccio pure annetta’!
Gnursi’ so senza mamma
e senza pate, c’aggia fa?
ma tengo chi m’e date
vitto, alloggio e civiltà
e tutto n’avvenire curiuso
pecchè pe mamma tengo ‘a patria
pe pate tengo ‘o rre!
Sarraggio senza mamma
e senza pate e c’aggia fa?
ma tengo chi m’e date
vitto, alloggio e civiltà
si ‘e lengue se ‘mbriacane
ponno pure cade’
tengo ‘e redene e ll’Italia
mmano a me!
Quanno nun songo
e veglia me metto a pazzia’
si dormo e sento ‘a sveglia
me soso lapperla’
me faccio ‘a pulezzia
me sfreno a fatica’
e tutta ‘n’allegria
p’e dinte ‘e vene me va!
Addio botte cu ‘o pede
capriole p’a citta’
pezzullo ‘e marciapiede
nun me siente cchiu’
e arrubba’
primma cu famma e fridde
m’arrugnavo ‘n’cuollo a te
mo’ tutto fuoco ardente
servo ‘a patria e servo ‘o rre
Addio botte cu ‘o pede
capriole p’a citta’
pezzullo ‘e marciapiede
nun me siente cchiu’
e arrubbà
Signore furastiero viene sempe
a sta citta’
ma levate ‘o penziero
si tu vuo’ fotografa’
e solete guagliune
che magnavano accussi’
piatte ‘e maccarune
pe ‘nce di’ :maccaronì
‘A razza d’è scugnizze
pare bella pe tte
futuografe sti …pizze
pecchè addo vaje
nun e vide cchiu’
E quanne tuorne in patria
sviluppi e faje vede’
pecchè tenimme
‘a rrobba sempe meglio e te!