‘E ccerase

Abbrile abbrile mieze fronne ‘e rose
vaco vennenno o frutto e chisto mese
cacciata ‘a capa
femmene cianciose
io donco ‘a voce e vuie
facite ‘a stesa
frutto nuviello
e mese ‘e paraviso
collera ncuorpo a nuie
nun ce ne trase
‘E cerase
‘E cerase
L’anno passato
‘o tiempo de cerase
facevo ammore cu na purticesa
abbascio o Granatiello
steva e casa
e’ a chiammavano
Rosa vrucculosa
Belli tiempe
de lacreme e de vase
Ogni lacreme quante a na cerase
ogni cinche minutele nu vasa
‘E cerase
‘E cerase
Mo c’aggia fa
Se so cagnate ‘e ccose
e m’ha licenziato chella ‘mpesa
E’ arrivato
nu legno genuvese
e ‘o capitano ha ditto ca s’a sposa
Capitano d’o legno genuvese
addo’ t’a puorte a bella purticese
‘E cerase
cacciata ‘a capa
femmene cianciose
io donco ‘a voce
e vuie facite ‘a stesa
‘E cerase ‘e cerase
abbrile e’ o mese
e uno se scorda
meliune ‘e cose
Capitano d’o legno genuvese
a me nun me ne porta ca t’a spuse
me daie na voce a n’ata pare ‘e mise
‘E cerase
a me nun me ne mporta ca t’a spuse
me daie na voce a n’ata pare ‘e mise
‘E cerase
‘E cerase