Mandulinata blu

  •     MANDULINATA BLU ((Martucci – Mazzocco 1962)

E’ na pagina ‘e musica ‘o cielo,
corde ‘e argiento so’ ‘e raggi d”a luna,
‘ngopp’all’onne, vicine e luntane,
voci d’anagelo sento ‘e cantà’
sulo chesta musica
e po’ niente cchiù.
Mandulinata ‘e Napule,
mandulinata blu.
 
Mentre dint’ ‘a nuttata
sta mandulinata suspira pe’ttè,
‘o cchiù doce d’ ‘e suonne
tu te suonne cu’mmè.
Pe’ na strada d’argiento
stasera chest’onne
ce portano, oje nè,
dint”a barca sperduta
ce addurmimme abbracciate,
mentre dint’ ‘a nuttata
sta mandulinata suspira pe’ttè.
 
So’ sti braccia catene d’ammore,
sti capille nu manto lucente,
fronn’ ‘e rose è sta vocca nnucente
ca me vaso e suspiro pe’ttè.
Tutt’ ‘e stelle ‘e Napule,
si me guarde tu,
ammore mio, se specchiano
dint’ ‘a chist’uocchie blu.
 
Mentre dint’ ‘a nuttata
…………
 
Pe’ na strada d’argiento
stasera chest’onne
ce portano, oje nè,
dint’ ‘a barca sperduta
ce addurmimme abbracciate,
mentre dint’ ‘a nuttata
sta mandulinata suspira pe’ttè
 
Mandulinata blu.
Mandulinata blu.