‘O pate

‘O pate nun è a mamma ‘o pate è ‘o pate
perciò si è figlie vanne a fa ‘e surdate
chiagne annascuso nun o da a parè
ma dice a ll’ate embè ‘stu chiagnere chede’
e quanno arriva ‘na nutizia ‘e morte
‘a mamma fosse ‘a femmena cchiù forte
se lagna se dispera vo strillà
ma ‘o pate nun ‘o ffa ce perde ‘e dignità
e dignitosamente aggio tenuto
sei figlie ‘o fronte vaggio ditte sei
ma pe’ quanto ‘stu core c’ha chiagniuto
mai se so ‘nfuso mai chist’uocchie mieie.
Chillo ca’ ‘ntiempe ‘e guerra era guaglione
criscette pazze pe’ l’aviazione
vulette n’aeroplano pe’ vulà
vai vuluntario e va si è chesto che vuo fa
mio caro padre songo già sergente
mio caro padre songo già tenente
pareva nato pe’ nun se fermà
ma doje semmane fa Dio che fatalità
l’avite letto ‘o fatto certamente
pe’ fa ‘nu bellu volo s’è perduto
e che eseguie che eseguie commuvente
ma st’uocchie manco tann’ ann’ chiagniute.
No nun m’avite dì caro signore
ca’ è ben pagato ‘a vita ‘e n’aviatore
l’assicurazione è forte si ma nun m’avita dì
ca’ ‘a pagano accussì
scusate si me meraviglio
nun c’è denaro pe’ pagà ‘nu figlio
‘na vranca ‘e carte ‘e mille lire tè
e io stengo ‘a mano sè
ma so mercante o chè
‘nu pate vo che ‘o figlio se fa onore
ma no che le rignesse ‘o portafoglio
e si è muorto pe fa ‘n’atto ‘e valore
‘sti carte ‘e mille lire nun è voglio.