Padrone d”o mare

Dint’a ‘na rezza
Ce tengo ‘o core…
Ammore, ammore,
Che m’hê saputo fà!?..
Mme ‘nfonno ‘a mano dint’a ‘st’onne chiare,
Mme faccio ‘a croce, prego ‘e me salvà.

Mare,
Sò padrone d’ ‘o mare,
Ma ‘e ‘nu ppoco d’ammore
Padrone nun sò.
Cielo,
E ne manno suspire,
Stralunato ‘e penziere,
Pe’ ‘sta spina ‘int’ ô core.
‘O vverde è ‘na speranza
Pittata d’acqua ‘e mare,
E ‘o vverde ‘e ‘st’uocchie belle
Nun dice: Spera!.. E i’ moro!
Mare,
Sò padrone d’ ‘o mare.
‘Nfunno ‘o funno stasera
Ll’ammore se ne va.

‘A mala nova
M’ ‘a porta ‘o viento
E ‘o tradimento
Nun ll’annascunne cchiù.
‘A luce ‘e sole more ‘o sentimento,
E ‘a luce ‘e sole tu nun sì cchiù tu!

Mare,
Sò padrone d’ ‘o mare,
Ma ‘e ‘nu ppoco d’ammore
Padrone nun sò.
Cielo,
E ne manno suspire,
Stralunato ‘e penziere,
Pe’ ‘sta spina ‘int’ ô core.
‘O vverde è ‘na speranza
Pittata d’acqua ‘e mare,
E ‘o vverde ‘e ‘st’uocchie belle
Nun dice: Spera!.. E i’ moro!
Mare,
Sò padrone d’ ‘o mare.
‘Nfunno ‘o funno stasera
Ll’ammore se ne va.