Serenata a Surriento

Surriento gentile,
          suspiro d’ammore,
          delizia ‘e stu core,
          tu si’ nu buchè…
 
          Cu ‘addore ‘e sti sciure,
          cu ‘e vase ‘e stu mare,
          ‘e ccose cchiù care
          farrisse scurdá!
 
          Surriento! Surriento!
          Só’ fatte pe’ ‘ncantá
          stu cielo, sti ciardine,
          chest’aria, sti mmarine…
 
          Coro:
 
          Surriento! Surriento!
          só’ fatte pe’ ‘ncantá
          stu cielo, sti ciardine,
          chest’aria, sti mmarine…
                           II
          Surriento gentile,
          parole d’ammore,
          stu cielo, stu mare,
          suspira pe’ te…
 
          Pe’ ll’uocchie cianciuse
          d”e nnénne ca tiéne,
          gelose, ‘e Ssirene,
          nun cantano cchiù…
 
          Surriento! Surriento!
          …………………
                         III
          Surriento gentile,
          ciardino d”e ffate…
          ‘a gente, ‘ncantáte,
          tu faje rummané!
 
          Chi parte ‘a luntano,
          te penza scuntento…
          e sonna ‘o mumento
          ca torna addu te…
 
          Surriento! Surriento!
          …………………