Si tu nenna m’amave ‘n’at’anno

  •     SI TU NENNA M’AMAVE ‘NAT’ANNO (Tradizionale)


Si tu, nenna, mm’amave n’autr’anno
                        quanta cose avive da me…
                        Mo che saccio ca tutte te sanno,
                        statte bona e governate!
 
                        Le cauzette de lana de Spagna
                        avéa fatto venire pe’ te…
                        Ma scoperta ch’aggio la magagna…
                        Statte bona e governate!
 
                        Chill’acciso e ‘mpesillo d’ammore,
                        ogne ghiuorno mme parla de te…
                        Ma tu tiene giá fauzo lo core…
                        Statte bona e governate!
 
                        La matina, lo juorno, la sera,
                        promettiste de stare co’ me…
                        Ma tu si’ na votabannèra…
                        Statte bona e governate!