S’è avutato ‘o viento

Si tantu bella cchiù ‘e ragio ‘e sole
che dà calore dint’ ‘a nu mumento,
me faie penzà c’ ‘ammore è freva ardente
mentre ‘stu core è friddo comm’ ‘a chè!
Ritornello:
Bella figliò!
T’avuote comm’ ‘o viento,
te ggire dint’ ‘a niente…
Dimme: Pecchè
‘stu core ca tu tiene
‘mpastato int’ ‘e buscie,
s’ ‘o porta luntano
‘ viento addò vò?
Ma pure ‘stu viento
giranno e vutanno,
m’ha dato n’ammore
sincero pe’ mme!
Bella figliò!
Mo’ s’è avutato ‘o viento…
E nun me ‘mporta ‘e niente,
e nun me ‘mporta ‘e niente!

Si tanta vote na guardata sole
me dice ch’è busciardo chist’ammore,
tu si sincera… Si… Pe’ na mezz’ora,
pe’ na mezz’ora e po’… te scuorde ‘e me! 
Ritornello:
Bella figliò! ecc…ecc…
Finale:
Ma pure ‘stu viento
giranno e vutanno,
m’ha dato n’ammore
sincero pe’ mme!
Però, però!
Mo’ s’è avutato ‘o viento,
e nun me ‘mporta ‘e niente, 
e nun me ‘mporta ‘e niente,
e nun me ‘mporta ‘e niente!..