Canzone amalfitana

  •     CANZONE AMALFITANA (Bonagura – Benedetto 1952)


Só’ mure janche da ‘o sole pittate,
                feneste verde, luggette fiurite…
                cunvente appise, viarelle scavate
                ca, dint’a ll’acqua, se stanno a specchiá…
 
                                  Carulí’,
                                          Carulí’…
                                                  guarda, guá’,
                                                          vide, vi’!…
 
                Parla d”e viente ‘a rosa amalfitana
                e ll’aria addora tanto…ca te stona;
                mentre, p”o cielo, ‘o suono ‘e na campana
                se stenne ‘ncopp”a stesa ‘e na canzone…
 
                                  Carulí’,
                                          Carulí’,
                                                  jammo, ja’…
                                                          dimme sí!
                                               II
                E s’è dinchiuta ‘e smeralde na grotta,
                na varca…po’, na pittura scarlatta…
                na roccia penza ch’a mare se vótta…
                stanno, ‘e tterrazze ‘e limone, a gialliá…
 
                                  Carulí’,
                                          Carulí’,
                                                  statte, sta’…
                                                          zitta, zi’…
 
                Passa na varca a vela amalfitana…
                ll’ora ‘e mill’anne na campana sona…
                mentre, ‘e lampare d’oro, na cullana
                se stenne sott”a stesa ‘e na canzone…
 
                                  Carulí’,
                                          Carulí’,
                                                  stu ssunná’
                                                          fa svení…
 
                 (Finale:)
                 ‘Ncopp’a stu duomo, ‘nnanze a ‘sta marina,
                 stammo a vedé che fa…che vò’ ‘sta luna!…
 
                                  Marená’,
                                          voca, vo’…
                                                  voca, vo’…
                                                          marená’…