Categoria: Lettera I

Lettera I

I quattro ciucci

Te vengo a piglia’ cu quatte ciuccie
dimane a ssera e l’otto e meza
tenimme l’appuntamento
sott ‘o basamento
e’ meglio ca te faje truva’
ca’ sino’ me faje ‘nguita’
ballamme la tarantella
la tarantella e’ bella
dimane a ssera e l’otto o sirio’
(Instrum)
si po’ nun viene parola mia
p’arraggia me piglia a pucundria
pecche’ si nun viene se po’ sape’
chella ca faje senza e me
pe’ sta vota me faje aspetta’
saje comme t’aggia cumbina’
invece da’ tarantella
te piglio co’ mazzariello
e po’ te manno a ffa’ sott’o sirio’
(Instrum)
te vengo a piglia’ cu quatte ciuccie
dimane a ssera e l’otto e meza
tenimme l’appuntamento
sott ‘o basamento
e’ meglio ca te faje truva’
ca’ sino’ me faje ‘nguita’
ballamme la tarantella
la tarantella e’ bella
dimane a ssera e l’otto o sirio’
dimane a ssera e l’otto o sirio’
dimane a sera e l’otto o sirio’…..

Jesce sole

Jesce sole, jesce sole
nun te fa’ cchiù suspirà!
Siente mai ca le ffigliuole
hanno tanto da prià?
Jesce jesce sole
scajenta ‘Mperatore
scanniello mio d’argento
che vale quattuciento,
ciento cinquanta
tutta la notte canta
canta Viola
lo masto de scola
O masto, o masto
mannancienne priesto
ca scenne masto Tiesto
co lanze e co spate,
da l’aucielle accumpagnato.
Sona sona zampugnella
ca t’attacca la vunnella
la vunnella de scarlato

si nun sona te rompo lo capo
nun chiovere, nun chiovere
ca aggia ire a movere
a movere lu grano
de masto Giuliano
Masto Giuliano
manname na lanza
ca aggia iere in Franza
da Franza a Lombardia
dove sta madama Lucia
…

I’te vurria vasa’

Ah! Che bell’aria fresca…
                Ch’addore ‘e malvarosa…
                E tu durmenno staje,
                ‘ncopp’a sti ffronne ‘e rosa!
                ‘O sole, a poco a poco,
                pe’ stu ciardino sponta…
                ‘o viento passa e vasa
                stu ricciulillo ‘nfronte!

                I’ te vurría vasá…
                I’ te vurría vasá…
                ma ‘o core nun mm”o ddice
                ‘e te scetá…
                ‘e te scetá!…

                I’ mme vurría addurmí…
                I’ mme vurría addurmí…
                vicino ô sciato tujo,
                n’ora pur’i’…
                n’ora pur’i’!…

                                                            II
                Tu duorme oje Rosa mia…
                e duorme a suonno chino,
                mentr’io guardo, ‘ncantato,
                stu musso curallino…
                E chesti ccarne fresche,
                e chesti ttrezze nere,
                mme mettono, ‘int”o core,
                mille male penziere!

                I’ te vurría vasá…
                ……………………….

                                                             III
                Sento stu core tujo
                ca sbatte comm’a ll’onne!
                Durmenno, angelo mio,
                chisà tu a chi te suonne…
                ‘A gelusia turmenta
                stu core mio malato:
                Te suonne a me?…Dimméllo!
                O pure suonne a n’ato?

                I’ te vurría vasá…
                ……………………….

Ischia mia

Fra tante belli cose c’ha criato
‘o Padreterno ‘ncopp’ a chesta terra,
na cosa ha fatto che nce s’è spassato:
‘mmiez’ a nu golfo nu pezzullo ‘e terra.
E ‘ncoppa a chesta terra profumata,
c’addora ‘e pace e regna na quieta,
chest’isola da tutte decantata,
te c’ha piazzato pure na pineta.

Ischia, paraviso ‘e giuventù,
Ischia, chistu mare è sempre blu!
Chistu cielo ch’è n’incanto,
chistu golfo ch’è nu vanto
chesto ‘o tiene sulo tu!
Sti bellizze song’ ‘o vero!
Chesto ‘o dice ‘o furastiero,
ca scurdà nun te pò cchiù.

‘A primma vota ca nce so’ venuto
‘ncopp’ a stu scoglio d’oro illuminato,
senza parole so’ rimasto, e muto,
pe’ chesta spiaggia me so’ ‘ncammenato…
Vedenno cu ‘o due pezzi sti ffigliole,
‘a verità ?, so’ asciuto d’ ‘o sentiero:
i’ ch’ero già mbriaco ‘e mare, ‘e sole,
overo, sì, aggiù fatto nu pensiero…

Ischia, paraviso ‘e giuventù,………