Zitto oj core

Ohe’… core nun parla’
nun darme cunzigli..no
tu o saie ca puo’ sbaglia’
no… ma pe’ carita’
nun dicere…chest’e’ a vota
si pure e’ anduvina’
nunne cose tu chesto
nunn
o vuo’ capi’
nun voglio credere
e tu dice si’.
quanta vote
aggiu’ ditte oi core
statte quiete
si’sincere
tu vuo’ suffri’
ma chi t’ho fa fa’
tu vuo’ bene
cu tutt’o bene
cheste e’ overe
nunno saie
nun vence maie
a sincerita’.

no…nun sbattere
cchiu’ accussi’
ma pecche’ tu vuo’ suffri’
siente a me…
meglie evita’
o tarde sarra’.
doce doce
isso me risponne
cheste e’ ammore
e p’ammore
io so cuntente
pure ‘e muri’
no nun sbattere cchiu’accussi’
ma pecche’ tu vuo’ muri’
siente a mme
meglio evita’
o tarde sarra’
doce doce
isso me risponne
cheste e’ ammore
e p’ammore
io so cuntente
pure ‘e muri’.
pe stu’ pecche’
nun saccio c’aggia fa’
io dico no
ma o core spera si’
ohe’…
zitto oj core.

Zappatore

Felicissima sera,
          a tutte sti signure ‘ncruvattate
          e a chesta cummitiva accussí allèra,
          d’uommene scicche e femmene pittate!
 
          Chesta è na festa ‘e ballo…
          Tutte cu ‘e fracchesciasse sti signure…
          E i’, ca só’ sciso ‘a copp”o sciaraballo,
          senza cercá ‘o permesso, abballo i’ pure!
 
          Chi só’?…
          Che ve ne ‘mporta!
          Aggio araputa ‘a porta
          e só’ trasuto ccá…
 
             Musica, musicante!
             Fatevi mórdo onore…
             Stasera, ‘mmiez’a st’uommene aligante,
             abballa un contadino zappatore!
 
                                                          II
 
          No, signore avvocato…
          sentite a me, nun ve mettite scuorno…
          Io, pe’ ve fá signore, aggio zappato
          e stó’ zappanno ancora, notte e ghiuorno!
 
          E só’ duje anne, duje,
          ca nun scrive nu rigo â casa mia…
          Si ‘ossignuría se mette scuorno ‘e nuje…
          Pur’i’ mme metto scuorno ‘e …’ossignuría”
 
          Chi só’?!
          Dillo a ‘sta gente
          ca i’ songo nu parente
          ca nun ‘o può cacciá…
 
             Musica, musicante!
             ca è bella ll’allería…
             I’ mo ve cerco scusa a tuttuquante
             si abballo e chiagno dint”a casa mia!

 
 
                                                         III
 
          Mamma toja se ne more…
          ‘O ssaje ca mamma toja more e te chiamma?
          Meglio si te ‘mparave zappatore,
          ca ‘o zappatore, nun s”a scorda ‘a mamma!
 
          Te chiamma ancora: “Gioja”…
          e, arravugliata dint”o scialle niro
          dice: “Mo torna, core ‘e mamma soja,
          se vene a pigliá ll’ùrdemo suspiro…”
 
          Chi só’?
          Vuje mme guardate?
          Só’ ‘o pate…i’ sóngo ‘o pate…
          e nun mme pò cacciá!…
 
             Só’ nu fatecatóre
             e magno pane e pane…
             Si zappo ‘a terra, chesto te fa onore…
             Addenócchiate…e vásame sti mmane!