Malacatena

Tu vuò ca io ride e io rido,
Tu vuò ca io chiagne e io chiagno,
‘O ssaje ca nun me lagno, ma nun ‘o vvuò capì,
No, nun ‘o vvuò capì!
Mala cumpagna mia, malacatena,
Mm’è fatto schiavo ‘e te ma io te perdono,
Pur’ io facette chiagnere chi ‘ncatenaie ccu mme,
È ‘nu peccato ‘e st’anema c’aggja scuntà cu tte!
Famme desiderà ‘nu poco ‘e bene
Voglio pavà cu ‘e llacreme, malacatena.
Era ‘na bona figlia
‘Na rosa, cchiù ‘e ‘na rosa
Già m’a vedevo sposa, felice ‘mbraccio a mme
E mm’ ‘a scurdaje pe tte!
Mala cumpagna mia, malacatena,
Pur’ io facette chiagnere chi ‘ncatenaie ccu mme
È ‘nu peccato ‘e st’anema c’aggja scuntà cu tte!
Famme desiderà ‘nu poco ‘e bene
Voglio pavà cu ‘e llacreme, malacatena.
Famme suffrì cu tte, malacatena!