‘Na chitarra sta chiagnenno

N’ata sera senza stelle n’atu cielo senza luna
nu lumino a ‘nu quadrillo ‘na viarella e niente cchiù
chi s’arricorde de’ serenatelle quanno ‘int”o scuro t’affacciave tu
‘na chitarra stà chiagnenno zittu zittu pe’ ‘sta via
e cercane Maria e chiammane Maria
nun è overo ca ll’ammore nun s’accatte e nun se venne
oj core mio vattenne core vattenne cu’ mme
scordate chi giuraie te voglio bene e te lassaie
‘na chitarra stà chiagnenno zittu zittu pe’ ‘sta via
e cercane Maria chella ca mò nun c’è stà.
Nun s’arape ‘na fenesta nun s’affaccia cchiù nisciuno
l’orchidee sò fatte apposta pe chi è viole vò scurdà
povere viole meje d”e juorne ‘e feste
nun ‘e vuliste manco cchiù addurà.
scordate chi giuraie te voglio bene e te lassaie
‘na chitarra stà chiagnenno zittu zittu pe’ ‘sta via
e cercane Maria chella ca mò nun c’è stà.
‘Na chitarra stà chiagnenno zittu zittu pe’ ‘sta via