Scurriato schiocca

Na casarella cu n’albero ‘e noce,
                 na cappelluccia, nu santo e na croce,
                 na vicchiarella nun trova cchiù pace
                 e a chillu santo nu vuto lle fa…
                 Tene ‘a figlia capricciosa.
                 ll’arrevota chella casa
                 nu figliulo nun reposa
                 na carretta vène e va…
 
                 Scurriato, schiocca!
                 Scurriato, schiocca!
                 Cu ‘a speranza ca segno lle fa,
                 sferza ll’aria pe’ farla affacciá…
                 sferza ‘o core malato che sta…
 
                 ‘O carrettiere soffre e nun se lagna…
                 che malu segno…
                 Ohé!…
 
                                                                 II
 
                 Chella nun vede ‘a carretta ca passa,
                 vede surtanto na machina ‘e lusso…
                 e nun se ‘mporta si ‘a vita perdesse,
                 pure si ‘a mamma putesse murí…
                 Se n”e ghiuta ‘a chella casa,
                 s’è sciupata chella rosa…
                 è passato giá nu mese:
                 nun se vede cchiù ‘e turná…
 
                 Scurriato, schiocca!
                 ………………..
 
                 Finale:
 
                 Na cappelluccia nun tene cchiù luce…
                 na vicchiarella nun trova cchiù pace…
 
                 ‘O carrettiere soffre pe’ n’ammore…