Sona chitarra


Serenatella sentimentale,
                 cu ‘o ppoco ‘e luna ca vò’ sentí…
                 Sceta a chi dorme, scòrdate ‘o mmale,
                 torna a fá pace, ch’aggio tuort’i’!
 
                       Sòna, chitarra, sòna…
                       t’è rummása una corda:
                       Si pur’essa se scorda,
                       fernisce ‘e suná.
 
                                                                 II
 
                 “Abbrile, abbrile, dorge dormire!”
                 Ma nénna dorme n’eternitá;
                 Ca mm”a scetassero mille suspire
                 dint’a ‘sta bella notte d’está!
 
                       Sòna, chitarra, sòna…
                       …………………..
 
                                                                 III
 
                 Si tu nu juorno mme lasse e ‘nchiante,
                 si’ ciento vote cchiù forte ‘e me!
                 Io só’ fedele, sincero, amante…
                 no, nun só’ ll’ommo ca fa pe’ te!
 
                       Sòna, chitarra, sòna…
                       …………………..