Cannetella

Non me fà la ‘nzemprecella,
Cannetella, oje Cannetè!
Cannetella, oje Cannetè!
Daje audienzia a ‘sto schefienzia,
Sciù che sta sempe attuorno a te,
Cannetella, oje Cannetella!
Cannetella, Cannetè!

A me tocca fà zimeo,
Ma chiafeo, no, non nce sò!
Ma chiafeo, no, non nce sò!
Sò cecato, sò stonato
Ca la sciorte accussì bò.
Cannetella, oje Cannetella!
Cannetella, Cannetè!

‘No fracasso si nce faccio,
Che nne caccio? Dice tu!
Che nne caccio? Dice tu!
Ma mme sboto, mme revoto
Quanno po’ non pozzo cchiù.
Cannetella, oje Cannetella!
Cannetella, Cannetè!

Conchiudimmo, gioja mia:
O songh’io o è chillo llà!
O songh’io o è chillo llà!
Se non sciglie a chi te piglie,
Quanto sango scorrarrà!
Cannetella, oje Cannetella!
Cannetella, Cannetè!