‘E stelle ‘e Napule

P’ ‘o munno, che ce sta
Cchiù bello ‘e ‘sta città?
È bella notte e ghiurno,
D’autunno, ‘e vierno, d’està…
Cu ‘a luna, a primmavera,
O cu ‘na notte nera…
Ccà… quanno scenne ‘a sera
‘E stelle ce hann’ ‘a stà.

E pe’ Pusilleco,
Pe’ copp’ ô Vommero,
Pe’ Margellina…
‘Sti lluce luceno,
Tremmanno perciano ll’oscurità.
E tanto luceno,
Ch’ ‘e stelle sò ggelose ‘e lloro…
Ggelose ‘e Napule
Ch’è tutta ‘na muntagna d’oro…
Ma ‘e stelle ‘e Napule
Cchiù bbelle e llimpide,
Si ‘o vvuò sapè,
Sò ‘sti brillante ca tu puorte ‘ntronte a tte…
‘St’uocchie c’abbruciano,
Ca cchiù s’appicciano,
Guardanno a mme.

Si tutto chestu ccà
Nun è ‘na nuvità…
E tutte ll’hanno ditto
E ll’hanno scritto, che fa.
Certo ca quanno ‘a vide,
Tu stesso nun ‘o ccride!
‘Sta Napule ca rride
È ‘na felicità!

E pe’ Pusilleco,
Pe’ copp’ ô Vommero,
Pe’ Margellina…
‘Sti lluce luceno,
Tremmanno perciano ll’oscurità.
E tanto luceno,
Ch’ ‘e stelle sò ggelose ‘e lloro…
Ggelose ‘e Napule
Ch’è tutta ‘na muntagna d’oro…
Ma ‘e stelle ‘e Napule
Cchiù bbelle e llimpide,
Si ‘o vvuò sapè,
Sò ‘sti brillante ca tu puorte ‘ntronte a tte…
‘St’uocchie c’abbruciano,
Ca cchiù s’appicciano,
Guardanno a mme.

Che cosa può truvà
Cchiù bello ‘e ‘sta città!?