‘E rrose chiagneno

Che primmavera amara….
pe ll’aria che tristezza…
nisciuna m’accarezza….
‘o sole nun ce sta’
tu te si fatta avara,
avara e’ mme vasa’….
‘e rrose chiagneno
all’alba ‘e rose comme chiagneno
e ‘o core mio chiagne pe te
pecche’,pecche’
te staje scurdanno e me
e quanno chiagneno…
comme se toccano,se sfronnano…
‘o viento passa e sai che fa’
‘e fa’ vula’
perdennole cca’ e lla’
comme se perde ammore
ll’ammore tujo pe’ me
‘e rrose chiagneno…
ca sto perdenno a tte….
comme se perde ammore ll’ammore tujo pe’ me
‘e rrose chiagneno….
ca sto perdenno a tte.

‘E llampare

Che silenzio miez”o mare
mo che ‘o tramonto s’he addurmuto a mare
chesta è ll’ora ‘e ll’ammore
l’ora eterna d”o core
già sfilano già splenneno ‘e lampare
lampare vuie ca’ spannite tanta luce ‘a ‘mmare
stanotte vacite scure scure ‘o core mio
me ricurdate chella vocca amata
che fredda e amara me dicette addio
luceane ‘e lampare e chella vocca me dicette addio.
Mo che ‘o cielo è chino ‘e stelle
veco chill’uocchie belle mieze ‘e stelle
ma che smania ‘int”o core
mo ca’ cadeno a mare stì lacreme
e chiagnene ‘e lampare
me ricurdate chella vocca amata
che fredda e amara me dicette addio
luceane ‘e lampare e chella vocca me dicette addio.
Ammore ammore mio me diciste addio.