‘E surdatielle

Cu ‘e carte de giurnale facevene ‘e cappielle
e pe’ squadrelle ‘e scola fucile e sciabulelle
stì cumpagnielle ‘e quinta elementare
sapevane ‘a storia ‘a cchiù bella ca ce stà
e pazzianne ‘e surdatielle con grande serietà
nu plutone ‘e guagliuncielle facevane marcià
Rafiluccio fa ‘o tenente ‘o sargentiello Pascà
jà partimmo alleramente addio addio mammà.
‘E mamme d”o quartiere restavane ‘ncantate
ma chiste fanno overo parene già surdate
e ognuno se chiammva ‘o figlio suoio
cu’ nu’ presentimento Viciè Giggì Gennà
pò nu juorno ‘e surdatielle turnaiene a marcià
stu plutone ‘e guagliuncielle tutt”e vintanne già
Rafiluccio fa ‘o tenente sempe sergente Pascà
mò partimme overamente addio addio mammà.
C’è stà ‘na vicchiarella tutta vestuta nera
for”a nu balcunciello stà d”a matina ‘a sera
comme sentesse ‘o suono ‘e ‘na fanfara
‘a capuzzella janca ‘a move accà e allà
forse vede ‘e surdatielle comme e tant’anne fa
‘nu plutone ‘e guagliuncielle già pronto pe’ marcià
Rafiluccio fa ‘o tentente ‘o sargentiello addò stà
‘o dicette overamente addio addio mammà.