Fravulella

E te chiammeno Fravulella
pecchè tiene na vocca bella
rossa comme na fravulella
prufumata comm’ a cche
E si onesta e faticatora
cuse e scuse matina e sera
ma te lagne ca Salvatore
te fa chiagnere sempe a te
Siente a mme Fravulè
trovate n’ato ammore
chillo è figlio ‘e signore
nun fa pe tte
Chillo è ricco e ne tene ciente
miezo a ciente c’ha miso a tte
L’ata sera cu ll’uocchie ‘e chiante
l’aspettave all’appuntamento
chillo invece cu n’ata amante
steve dinto a nu tabaren
Tu è giurato me levo ‘a vita
penza invece pe nu minute
a na mamma ca stà malata
e ca more si perde a tte
Siente amme Fravulè
trovate n’ato ammore
chillo è figlio ‘e signore
nun fa pe tte
Chillo è ricco e ne tene a ciente
miezo a ciente c’ha miso a tte
Siente a mme Fravulè
Fravulè
fravulella