Frennesia

Freva comme ‘a freva
Ca saglie tutte “e ssere
Quanne vene nnanze ‘a te.
Me comme me che te si mise ncape
E nun te fa vere’
Sia rispunne accussi sia
A sta preghiera mia frennesia!
Frennesia
Che voglia ‘e te vasa’
Che smania ‘e muzzeca’
Frennesia
Me pizzechene ‘e mmane
Te vonne accarezza’
Avimme fatt’ammore
Comme a chi va arrubba’
Ma ‘nce vulimme bbene
Chi ce po’ cundanna’
Tienela a mmente
Comme ‘e na poesia
Cchiu ‘e nu sentimento
E’ na pazzia e’ frennesia!
Frennesia
Che voglia ‘e te vasa’
Che smania ‘e muzzeca’
Frennesia
E dille a verita’
Tu pure vuo’ turna’
Avimme fatt’ammore
Comme a chi va arrubba’
Ma ‘nce vulimme bbene
Chi ce po’ cundanna’
Tienela a mmente
Comme ‘e na poesia…

Furturella

Tien”a vetélla
                                comm”a vucchella,
                                        Furturè’….

                                Piccerenèlla,
                                piccerenèlla,
                                        Furturè’…

                                Che dice, che faje?
                                che pienze…mm”a daje?
                                        Furturè’…

                Io mo moro, mo moro, mo moro, mo moro,
                mo moro, mo moro, mo moro, mo moro…
                pe’ te…

                Eh – eh – eh – eh…
                Uh, quanto è bello a fá ‘ammore cu te!…

                Ah – ah – ah – ah – ah…
                Uh, quanta vote te voglio vasá!…

                Eh – eh – eh – eh – eh…
                Uh, quant’è bello a fá ‘ammore cu te!…

                Ah – ah – ah – ah – ah…
                Uh, quanta vote te voglio vasá!…

                                                 II

                                ‘Sta bella schiòcca
                                de rose scicche,
                                        Furturè’…

                                ca tiene ‘mmocca,
                                chisà a chi attocca,
                                        Furturè’…

                                Che dice, che faje…
                                ……………………………



                                                                             III

                                ‘Sta bionda trezza
                                chiena ‘e bellizze,

                                        Furturè’…

                                mme fa ascí pazzo,
                                guardá nun pòzzo…
                                        Furturè’…

                                Che dice, che faje…
                                …………………

                                                                              IV

                                Miette ‘sta mana,
                                ca tocca e sana,
                                        Furturè’…

                                ‘ncopp’a ‘sta spina,
                                ca mm’arruvina…
                                        Furturè’…

                                Che dice, che faje…
                                …………………

Funtana all’ombra

‘Sta funtanella,
                  ca ména ‘a tantu tiempo ll’acqua chiara,
                  ha fatto ‘a cchiù ‘e nu sèculo ‘a cummara:
                                        piccerenella,
                  venette ‘a nonna a bevere, e ce steva
                  nu figliulillo, a ll’ombra, che ‘a vedeva…

                  E, a ll’ombra, tutt’e duje
                  accumminciajeno a se parlá cu ‘o “vvuje”…
                  po’ ognuno ‘e lloro se parlaje cu ‘o “ttu”…
                                E, sempe cumpiacente…
                                sti ffronne, allegramente,
                                facevano ciù-ciù…

                                                              II
                                        Po’ ce venette
                  pur’io na vota ca stevo arzo ‘e sete
                  e ca cercavo ‘e vvie fresche e cujete…
                                        E te vedette
                  e t’accustaste e mm’accustaje pur’io
                  e ‘o core tujo cercava ‘o core mio…

                  Venèttemo ‘a doje strate…
                  e pe’ una, ce sperdèttemo abbracciate
                  pe’ ce vasá, pe’ nun ce lassá cchiù…
                                E, sempe cumpiacente…
                                  sti ffronne, allegramente,
                                          facevano ciù-ciù…

                                                             III
                                Quant’ate appriesso,
                  doppo tante e tant’anne venarranno?
                  quant’ata matremmonie se farranno?
                                Mo fanno ‘o stesso
                  quase tutt”e ffigliole ‘e stu paese
                  e, ‘a sprùcete ca só’, po’ só’ curtese…

                  E spicialmente ‘a ‘state,
                  aspettano ‘e figliule ‘nnammurate…
                  e ‘sta funtana attacca ‘a giuventù!
                                E, sempe cumpiacente…
                                  sti ffronne, allegramente,
                                          farranno stu ciù-ciù…

Funiculi’ funicula’ 

Aisséra, Nanninè’, mme ne sagliette,
                                        tu saje addó’…
                                        Tu saje addó’…

                  Addó’, ‘sto core ‘ngrato, cchiù dispiette
                                        farme nun pò…
                                        Farme nun pò!

                  Addó’ lo ffuoco coce, ma si fuje,
                                        te lassa stá…
                                        Te lassa stá.

                  E nun te corre appriesso e nun te struje
                                        sulo a guardá…
                                        Sulo a guardá…

                                        Jammo, jammo,
                                        ‘ncoppa jammo ja’…
                                        Jammo, jammo,
                                        ‘ncoppa jammo ja’…
                                        Funiculí – funiculá,
                                        funiculí – funiculá…
                                        ‘Ncoppa jammo ja’,
                                        funiculí – funiculá….

                                                          II

                  Nèh jammo: da la terra a la montagna,
                                                                                                no passo nc’è…
                                        No passo nc’è…

                  Se vede Francia, Pròceta, la Spagna…
                                        e io veco a te!
                                        E io veco a te…

                  Tiráte co li ffune, ditto ‘nfatto,
                                        ‘ncielo se va…
                                        ‘Ncielo se va…

                  Se va comm’a lo viento e, a ll’intrasatto,
                                        gué saglie sá’…
                                        Gué saglie sá’…

                                        Jammo, jammo,
                                        …………………….



                                                            III

                  Se n’è sagliuta, oje né’, se n’è sagliuta,
                                        la capa giá…
                                        La capa giá..

                  E’ ghiuta, po’ è tornata, po’ è venuta…
                                        Sta sempe ccá…
                                        Sta sempe ccá…

                  La capa vota vota attuorno, attuorno,
                                        attuorno a te…
                                        Attuorno a te…

                  Lo core canta sempe no taluorno:
                                        Sposammo, oje né’…
                                        Sposammo, oje né’…

                                        Jammo, jammo,
                                        …………………….

Freva ‘e gelusia

E’ ‘nfame

e’ nfame assaje a gelusia…..

e’ fuoco ca m’abbrucia

dint’e vene e notte me trascina

miez’a via…..

e’ n’ombra che cammina

e che malincunia

tutto me parla ‘e te.

chesta freva ‘e gelusia

nun me lassa saie pecche’

pecche’ corre ‘a fantasia

mo’ ca tu nun staie cu mme

n’ammore po’ fa’ chiagnere

‘na vita po’ distruggere

ma chistu core nunno vo’sape’

tu si tutta ‘a vita mia

e pe ‘ sempe j’ voglio a te.

chi m’ha’ po’ fa’ passa’ sta gelusia…….

sultanta tu ma…

nun cunusce ‘o bene te cride ca st’ammore

e’ na buscia

mo ca te sto luntano vurria ca ‘a gelusia

pigliasse pure a te.

n’ammore po’ fa chiagnere

‘na vita po’ distruggere

ma chistu core nunno vo’ sape’

tu si tutta a vita mia e pe’ sempe jo voglio a te.

pe’ sta freva ‘e gelusia

jo voglio a te.

Fresca sposa

Dint’a ‘sta casarella a Margellina,
                  ce só’ trasuta appena mmaretata:
                  mme sceta nu pianino ogne matina…
                  mm’addorme na chitarra ‘int”a nuttata…
                  E ninno mio, ch’è ‘o primmo cantatore,
                  vò’ sentere ‘e ccanzone pure ‘a me…

                  ‘E vvote, ‘a dint”o suonno,
                  mme sceta e aggi”a cantá…
                  si no stu chiappo ‘e ‘mpiso,
                  nun mme fa arrepusá…
                  E che duette, oje má’, che paraviso…
                  fernimmo ogne canzone cu nu vaso!

                                                              II

                  Nun só’ tre mise ca nce só’ trasuta
                  dint’a ‘sta casa fresca fravecata…
                  e giá…che saccio, o ‘a vesta s’è astrignuta,
                  oppure chesta vita s’è allargata…
                  Stu ‘mpiso ‘e ninno mio, matina e sera,
                  che sta facenno p’essere papá…

                  ‘E vvote, ‘a dint”o suonno,
                  mme sceta e aggi”a cantá…
                  si no stu chiappo ‘e ‘mpiso
                  nun mme fa arrepusá…
                  e che canzone, oje má’, che paraviso!
                  Mme sento ‘e saglí ‘ncielo cu nu vaso….



                                                             III

                  Io tengo giá ‘o canisto appriparato
                  cu ‘e ffasce, ‘e savanielle e tanta cose…
                  ma appena vène ‘o juorno suspirato
                  nce sfrónno, ‘int”o canisto, tanta rose…
                  Chist’angelo ca vène â casa mia,
                  voglio ch’addora ‘e rose ‘mbracci’a me…

                  Che fa si notte e ghiuorno
                  nun mme fa cchiù durmí?!
                  Si chesto ha fatto mamma,
                  chesto faccio pur’i’!…
                  E che gran cosa, nèh, quanno mme chiamma…
                  quanno chiamma: “Mammá…” che bellu nomme!…


                  Finale:

                  E quanno ‘o sposo mio
                  vò’ sentere ‘e cantá,
                  lle canto ‘a canzuncella
                  p”o fá cchiù cunzulá…
                  chella che dice: “E nonna, nunnarella…
                  ‘o lupo s’ha magnato ‘a pecurella…”