Festival di Napoli 1966

Quanno duie se vonno bene

Quanno duie se vonno bene
Nun esiste mai nu dimane
Pecchè ‘e vvote se ferma pure ‘o tiempo
E l’ammore pe sempe po’ durà.
Quanno duie se vonno bene
Tutt”a vita pare nu suonno,
Dint’ ‘e mmane ce stà tutto o munno
Dint’ ‘o core na smania ‘e se vasà
Luntano,
Se perdono accussì, luntano…
Nisciuno ‘e po’ fermà, nisciuno:
P’ ‘e strade d’ ‘o munno,
P’ ‘e strade ‘e l’ammore
Camminano senza parlà.
Comm’è doce quanno duie se vonno bene
Cu nu sguardo se dice ammore.
Pe chist’uocchie maie lacreme ce stanno
Quanno duie se vonno bene comm’a nuie.
Se vonno bene comm’a nuie,
Se vonno bene.
Luntano,
Se perdono accussì, luntano……







Ce vo’ tiempo

Ce vo’ tiempo ce vo’ tiempo pe’ fa’ juorno
L’ora ‘e notte ancora adda’ suna’
Fore chiove pare gia’ turnato vierno
I’ nun dormo nun dormo e penz’ a te
Sott’ ‘o sole quann’era ancora esta’
Sott’ ‘o sole quann’era ancora esta’ a’ a’ a’ a’
E lucente d’acque mare sott’ ‘o sole
Comme allora me pare ‘e te vede’
Sott’ ‘o sole quann’era ancora esta’
Sott’ ‘o sole quann’era ancora esta’ a’ a’ a’ a’
Dimane a primma matina te vengo a sceta’
‘O sole pure si chiove te vengo a purta’
Te vengo a purta’
Ce vo’ tiempo ce vo’ tiempo pe’ fa’ juorno
I’ nun dormo nun dormo e penz’ a te
Dimane a primma matina te vengo a sceta’
‘O sole pure si chiove te vengo a purta’
Te vengo a purta’
Ce vo’ tiempo ce vo’ tiempo pe’ fa’ juorno
I’ nun dormo e penz’ a te
Yeye’ yeye’ yeye’ yeye’ yeye’