- Quagliarulo se ne va
- Quann’ero guaglione
- Quann’ero surdato
- Quanno ammore vo’ fila’
- Quanno duie se vonno bene
- Quanno mammeta nun ce sta
- Quanno Napule fa’ ammore
- Quanno nascette Ninno
- Quanno sponta primmavera
- Quanno staje cu ‘mme
- Quanno tramonta ‘o sole
- Quanta rose
- Quatt’anne ammore
- Quatte passe pe’ Tuledo
- Questione ‘e tuocco
- Qui fu Napoli
Categoria: Lettera Q
Quanno sponta primmavera
Quanno duie se vonno bene
Quanno duie se vonno bene
Nun esiste mai nu dimane
Pecchè ‘e vvote se ferma pure ‘o tiempo
E l’ammore pe sempe po’ durà.
Quanno duie se vonno bene
Tutt”a vita pare nu suonno,
Dint’ ‘e mmane ce stà tutto o munno
Dint’ ‘o core na smania ‘e se vasà
Luntano,
Se perdono accussì, luntano…
Nisciuno ‘e po’ fermà, nisciuno:
P’ ‘e strade d’ ‘o munno,
P’ ‘e strade ‘e l’ammore
Camminano senza parlà.
Comm’è doce quanno duie se vonno bene
Cu nu sguardo se dice ammore.
Pe chist’uocchie maie lacreme ce stanno
Quanno duie se vonno bene comm’a nuie.
Se vonno bene comm’a nuie,
Se vonno bene.
Luntano,
Se perdono accussì, luntano……
Qui fu Napoli
Va cu te stu core amato
pe’ ‘sta via ca porta a mare…
Llá sta Napule allummato…
Mo ca scinne chesti ggrare
vide ‘o mare accumparé…
Spanne ll’aria nu sapore
d’erba ‘e scoglie e de magná’…
Na cantina ‘e piscatore
tene ‘o lume pronto giá…
Fuoco e zuccaro ‘o mellone:
ce stennimmo ‘nterr’â rena…
Neve ‘e ‘sprinia ‘int”o giarrone,
‘ncielo ‘e stelle e ‘a luna chiena…
E io canto: Qui fu Napoli!…
Nisciuno è meglio ‘e me…
Dimane penzo ê diebbete
stasera só’ nu rre!
II
Sentarraje ‘ncopp’a la rena
voce a stesa ‘e marenare:
“Tira, ohé…ch”a rezza vène…”
“forza ohé…ch’aónna ‘o mare…”
“Tira…arranca…venga a me!”
Cu chitarre e lume a giorno
na varchetta passa e va…
rossa e verde è ll’acqua, attuorno…
tu nun mange, pe’ guardá…
E i’ te vaso ‘sta vucchella
cu cchiù sfizio e passione…
‘sta vucchella sciuliarella
‘nfosa ‘e vino e de mellone…
E io canto: Qui fu Napoli!…
………………………..
III
Vintun’ore…ccá vicino,
nu rilorgio, ll’ora sona…
Forse è ‘ammore, forse è ‘o vino…
‘sta faccella s’abbandona:
tu t’adduorme ‘mbracci’a me…
Pe’ cuperta tiene ‘e stelle,
pe’ cuscino chistu core…
Nonna – nonna a st’uocchie belle
só’ sti vvoce ‘e piscatore…
Dint”o suonno, smaniosa,
mo mme vuó’…mo mme ne cacce…
Po’ te scite e, vrucculosa,
t’annascunne ‘int’a sti bbracce…
E io canto: Qui fu Napoli!…
………………………..
Questione ‘e tuocco
Quatte passe pe’ Tuledo
Quatt’anne ammore
Tu nun me ritte maie
maie na verita’
bugie ne dice assaie
pensamme a ce spusa
gia’ so quatt’anne ammore
quatt’anne e gelusia
me struie a vita mio’ saie pe chi pe te.
parleme chiare si vuo’ bene a nate
e meglie ca me dice a verita’
stanotte nzuonne ma taggie sunnate
ca tu chiagnive e me dicive
pe nisciune so sincere
voglie bene sule a te.
tu dinte o core tiene
tutte malvagita’
o’ saccie a chi vuo’bene
l’aggie sapute gia’
e forte na passione
cu nata nammurate
chille vo’ bene a nate
e nun vo’bene a te.
ca tu chiagnive e me dicive
pe nisciune so sincere
voglie bene sule a te.
voglie bene sule a te…
Quanta rose
Ma quanta e quanta rose aggio purtato
a chist’ammore ca mme costa ‘a vita…
quanta penziere d’oro aggio sciupato
e quanta, quanta lacreme chiagnute!
Che suonno ch’è stato st’ammore…
ma ‘e suonne d’ammore che só’?
Só’ ròse ca se sfrónnano…
penziere ca se pèrdono…
só’ lettere, só’ lacreme,
ca io porto a te…
só’ palummelle e vòlano…
chisá, chisá pecché?!
II
Ma chi pò dí st’ammore comm’è nato
e chi nce pò spiegá pecchè è fernuto?
Tu te si’ fatta meza, io stó’ malato
e nce dicimmo “addio” ll’ultima vota…
Speranze cantate e perdute…
canzone, speranze…che só’?
Só’ ròse ca se sfrónnano…
penziere ca se perdono…
só’ lettere, só’ lacreme
ca puorte a me…
só’ palummelle e vòlano…
chisá, chisá pecché?!
Só’ palummelle e vòlano…
chisá pecchè?!…
Quanno tramonta ‘o sole
Viene addu me! Cuntèntame stu core
che, ‘a tantu tiempo, penza, aspetta e spera…
Lèvame ‘a pietto ‘sta fattura nera,
pecchè te chiammo cu nu vero ammore!
Te veco, cu na rosa
‘int”e capille,
vicino a me…
Vicino a me…
Mme pare ‘e darte vase a mille a mille,
sempe sunnanno ‘e te!
Sempe sunnanno ‘e te…
Siéntelo, oje bella, ‘o suono ‘e sti pparole
Viene addu me, quanno tramonta ‘o sole!
II
Quanno tramonta ‘o sole, e tuttecosa,
jènne pe’ s’addurmí dint”a nuttata,
piglia ‘o culore ‘e na viola nfosa…
tanno te penzo sora e ‘nnammurata!
Tanno te sento mia
tutta felice,
senza parlá…
Senza parlá!
Cu ll’uocchie dint’a ll’uocchie e po’ mme dice:
“Quanta felicitá…
Quanta felicitá!…”
Siéntelo, oje bella, ‘o suono ‘e sti pparole!
Fatte vasá, quanno tramonta ‘o sole!
Quanno staje cu ‘mme
Quanno tu staje cu me
‘ncopp’a stu core…
io giá sento ca moro
si perdo a te!
Vita mia, vita mia…
chi mme cunzola
gioja mia, gioja mia,
senza ‘e te?
Quanno tu staje cu me
dint’a sti bbraccia,
t’accarezzo ‘sta faccia
e,’nziem’a te,
doce è ‘ammore…
doce è ‘ammore…
quanno tu staje
‘ncopp’a stu core!…
II
Siente, siente
‘a musica d”o mare?
Guarda, guarda…
na vela giá scumpare…
e si tu mme staje vicina,
chistu core
felice sarrá!…
Quanno tu staje cu me
‘ncopp’a stu core…
………………..