Scugnezziello ‘nnammurato

Dint’a ‘na varca ch’ è ‘na cunnulella
se stenne e dorme ‘a notte ‘o scugnezziello;
chi lle turmenta ‘o suonno è sempe chella,
‘a biundulella, c’ ‘o fa penzà, c’ ‘o fa sunnà!

Scugnezziello ‘nnammurato,
‘nnammurato ‘e chistu suonno!…
Tu suspire ‘int’ ‘a nuttata
ma nisciuno te risponne,
maie nisciuno te risponne!…
Scordatella,
scordatella, duorme, duo’
siente a me, nun ‘a penzà!…
Si nu povero scugnezziello
che ‘lle puo’ dà?…

Ognuno ‘e nuie tuccà vulesse ‘e stelle,
ognuno ‘e nuie tuccà vulesse ‘o cielo!
Luntano stanno tutt’ ‘e ccose belle
e pure chella luntano sta, nun ‘a penzà!…
Finalino:
Dint’a ‘na varca ch’ è ‘na cunnulella
se stenne e dorme ‘a notte ‘o scugnezziello