Angelarè

Nenna mia, chi s’ha pigliata?
Nenna mia cchiù non nce sta.
Quacche mago, quacche fata
Se l’ha avuta da piglià.

Angelarè, mba-mbo!
Angelarè, mbo-mba!

Mò pe’ terra, mò pe’ mmare
Certo l’aggio da trovà.
‘Nfì che l’aggio da trovare,
Non me voglio maje stancà.

Angelarè, mba-mbo!
Angelarè, mbo-mba!

Si non trovo nenna amata,
Voglio subbeto murì.
Si vedite chella ‘ngrata,
Vuje dicitele accussì:

Angelarè, mba-mbo!
Angelarè, mbo-mba!