Categoria: Lettera U

Uocchie ca mme parlate

Chist’uocchie tuoie che cagnano
culore ogne mumento
so belle quanno chiagneno,
so chine ‘e sentimento,
comm’ a ddoie fiamme ardente
songo stelle lucente
ca tiene nfronte tu!Uocchie ca me parlate,
dicitincello a chi ve tene ‘nfronte
ca quanno me guardate
me sbatte ‘o core ‘mpietto comm’ a cche…
Uocchie ch’annammurate,
vuie site ‘a luce ‘e tutta ‘a vita mia…
Dicitelo a Maria
ca senza ‘e ‘st’uocchie nun pozzo campà !
Chist’uocchie tuoie ca parlano
direttamente o’ core
parole ca ‘ncatenano, sulo parole ammore,
chist’uocchie ca ‘ncantano
comme te ‘ncanta ‘o mare,
songo ddoje cose rare,
chesti ddoje luce blù !
Uocchie ca me parlate,
dicitincello a chi ve tene ‘nfronte
ca quanno me guardate
me sbatte ‘o core ‘mpietto comm’ a cche…
Uocchie ch’annammurate,
vuie site ‘a luce ‘e tutta ‘a vita mia…
Dicitelo a Maria
ca senza ‘e ‘st’uocchie nun pozzo campà !
Chist’uocchie tuoie me parlano
direttamente ‘o core.

Uocchie c’arraggiunate

St’uocchie ca tiene belle,
            lucente ccchiù d”e stelle,
            sò’ nire cchiù d”o nniro
            só’ comm’a duje suspire…
 
            Ogne suspiro coce,
            ma tene ‘o ffuoco doce…
            e, comme trase ‘mpietto,
            nun lle dá cchiù arricietto.
 
            E chi ve pò scurdá,
            uocchie ch’arraggiunate
                  senza parlá?
                  Senza parlá?
               A me guardate sí…
               e státeve nu poco,
                  comme dich’i’…
                  comme dich’i’…
                  comme vogl’i’!…
 
                       II
            Sò nire: cchiù sblennente
            ‘e ll’ebano lucente!
            Comm’a na seta fina
            só’ ll’uocchie ‘e Cuncettina.
 
            Sempe ca ‘e ttèngo mente,
            nce trovo sentimente…
            pecché nce sta nu vezzo,
            ca i’ guardo e ll’accarezzo.
 
            E chi ve po’ scurdá,
            ……………….
 
                       III
            Sciure e frónne addirose,
            nun cerco tanta cose…
            Né ‘a cchiù bella guagliona,
            si è ricca, mm’appassiona…
 
            Ma tutt”a simpatia,
            ma tutt”a vita mia,
            mme giova o mm’arruvina,
            só’ ll’uocchie ‘e Cuncettina!
 
            E chi ve pò scurdá,
            ……………….

Uè uè che femmena

Fermateme, teniteme,
calmateme pecchè
guagliù, io nun raggiono “cchiù.
Uè, uè, uè, uè,
aggia visto ‘na femmena,
ah che femmena,
sente ‘o core che fa
tim pum tim pam,
uè, uè, uè, uè,
è ‘na cosa fantastica
tutta Napule s’a vulesse vasà.
Capille nire,
vocca ‘e mare,
tacche a spille e ‘a veste blu,
‘na vocca rosso comme “o ffuoco,
fuoco, fuoco, bruciame tu !
Uè, uè, uè, uè,
aggia visto ‘na femmena,
‘na femmna fatta apposta ‘pe “mme
ma ‘sta femmena
i’ nun saccio chi è ?!
Guardannela  ‘na musica
tu siente atturono a te.
Chi è ? E’ bella comme a “cchè !
Uè, uè, uè, uè,
aggia visto ‘na femmena,
ah che femmena,
sente ‘o core che fa
tim pum tim pam,
uè, uè, uè, uè,
è ‘na cosa fantastica
tutta Napule s’a vulesse vasà.
Capille nire,
vocca ‘e mare,
tacche a spille e ‘a veste blu,
‘na vocca rosso comme “o ffuoco,
fuoco, fuoco, bruciame tu !
Uè, uè, uè, uè,
aggia visto ‘na femmena,
‘na femmna fatta apposta ‘pe “mme
ma ‘sta femmena
i’ nun saccio chi è ?!

Che femmena !
Che femmena !
Che femmena !