‘O bar ‘e l’università


Dint’a stu bar ‘e ll’Universitá,
                 tu parle ‘e te…
                 io parlo ‘e me…
                 parlammo ‘e nuje…
                 Quanta buscíe,
                 quanta felicitá
                 ca véne e se ne va…
 
                 ‘Nnammurate comm’a te,
                 una sola ce ne sta…
                 se chiamma giuventù,
                 comme te chiamme tu…
 
                 Dint’a stu bar ‘e ll’Universitá,
                 trovo ‘e vint’anne ‘e tantu tiempo fa…
                 Comm’è doce stu ccafè,
                 ca mme piglio ‘nziem’a te…
                 Comm’è amara ‘a veritá:
                 Sceta ‘e suonne…e se ne va…
 
                 Dint’a stu bar ‘e ll’Universitá,
                 trovo ‘e vint’anne ‘e tantu tiempo fa…
                 Comm’è doce stu ccafè,
                 ca mme piglio ‘nziem’a te…
                 comm’è amara ‘a veritá:
                 Sceta ‘e suonne…e se ne va…
 
                 ‘Nnammurate comm’a te
                 una sola ce ne sta:
                 se chiamma giuventù…
                 ma i’ nun ‘a trovo cchiù…