‘O destino ‘e ll’ate

E veneno addu me pe capì, pe spià…
E veneno addu me pe sentì… pe’ sapè
che ce sta scritto ‘mmiez’a mana,
tutt’ ‘e ffigliulelle d’o quartiere
pecchè ‘a sciorta saccio anduvinà
E nun me sò sbagliata mai,
io dico sempe ‘a verità!
“Oje bruna, gnorsì, t’o spuse a stu furiere…”
“Oje bionda, abbada a te,
nun ‘o penzà, Nun ‘o penzà! Te vo’ lassà!
E veneno addu me pe sapè p’appurà
nu giovane comm’è,
che po’ di’, che vo’ fa e si è busciardo o no ll’ammore,
si è sincero ‘o core quanno giura… quanto dura na felicità!
Oje core, è anduvinato a tanta gente…
Oje core, e stu destino mio pecchè nun saje capì, nun saje vedè?
Credette sulo a tte, sulo a tte, pe t’ama!
E tutto fuje pe tte, pe suffrì, pe sbaglià…
E m’hè distrutto chistu core…
Rideno ‘e ffigliole d’o quartiere quanno ‘a sciorta ‘e vvoglio anduvinà!