‘A cammesella

E lèvate lu mantesino!
                 lu mantesino, gnernò, gnernò!
                 Si nun te lo vuó’ levá,
                 mme sóso e mme ne vaco da ccá!
                 E tèh, mme ll’aggio levato,
                 Ciccillo, cuntento, fa’ chello ca vuó’…
                 Sia benedetta mámmema,
                 quanno mme maritò.

E lèvate la vesticciolla
                 la vesticciolla, gnernò, gnernò!
Si nun ta vuó’ levá,
                 mme sóso e mme ne vaco da ccá!
                 E tèh, mme ll’aggio levata,
                 Ciccillo, cuntento, fa’ chello ca vuó’…
                 Sia benedetta mámmema,
                 quanno mme maritò.   
                                                          
                 E lèvate lu suttanino
                 lu suttanino, gnernò, gnernò!
Si nun te lo vuó’ levá,
                 mme sóso e mme ne vaco da ccá!
                 E tèh, mme ll’aggio levato,
                 Ciccillo, cuntento, fa’ chello ca vuó’…
                 Sia benedetta mámmema,
                 quanno mme maritò.               
 
                E lèvate chistu curzetto,
                chistu curzetto, gnernò, gnernò!
Si nun t”o vuó’ levá,
                mme sóso e mme ne vaco da ccá!
                 E tèh, mme ll’aggio levato,
                 Ciccillo, cuntento, fa’ chello ca vuó’…
                 Sia benedetta mámmema,
                 quanno mme maritò.        
          
                 E lèvate la cammesella,
                 la cammesella, gnernò, gnernò!
Si nun te la vuó’ levá,
                 mme sóso e mme ne vaco da ccá!
                 E tèh, mme ll’aggio levata,
                 Ciccillo, cuntento, fa’ chello ca vuó’…
                 Sia benedetta mámmema,
                 quanno mme maritò.        
 
                 E damme, Cecè’, nu vasillo,
                 nu vasillo, gnernò, gnernò!
Si nun me lo vuò dà
mme sóso e mme ne vaco da ccá!
E tectè ccà nu vasillo
Ciccillo, cuntento, fa’ chello ca vuó’…
Sia benedetta mámmema,
                 quanno mme maritò.        
Sia benedetta mámmema,
                 quanno mme maritò.