‘A canzona

Chi è furastiere nun se fa capace
è Napule, è ‘o paese de’ canzone
nun ce vò niente, è facile a spiegà
comme nasce ‘a canzone ‘a stà città.
Quanno nun saccio ch’ ‘aggia fa
vaco passianno pa’ città
e mett’ ‘o core in libertà
pe guardà ‘a gente, ‘o cielo e ‘o mare,
e st’aria doce ca ce stà
tutt’ ‘e pensiere fa scurdà,
t’abbasta Napule ‘e guardà
e ‘na canzone nasce lla pe’ llà.
Pusilleco e ‘o Vommero e Santa Lucia
‘na bella guagliona ca sape vasà
‘na voce ‘na risa, ‘nu vascio ‘na via
sò cose che sanno stu core scetà.
Quann’ ‘a parole può truvà,
te miette subbito a cantà
e ‘o mare ‘a musica te dà
pirciò ‘a canzone ‘a scrive ‘sta città.
Quann’ ‘a parole può truvà,
te miette subbito a cantà
e ‘o mare ‘a musica te dà
pirciò ‘a canzone ‘a scrive ‘sta città.

Lascia un commento

Il tuo indirizzo email non sarà pubblicato.