‘A carretta de suonne

Comme s’è fatta longa ‘sta sagliuta!
Va trova primm’ ‘e me chi c’è passato…
Va trova primm’ ‘e me chi s’è perduto…
Comme s’è fatta longa ‘sta sagliuta!
Io trascino ‘a carretta d’ ‘e suonne
Pe’ ‘nu suonno ca tutt’è custato.
Me vò bbene però sò tant’anne
Ca me conta ‘nu fatto pe’ ‘n’ato.
Nun ‘o credo ma nun ciò dico
E m’astregna ‘ncopp’ ô core
Comme ‘n’amico
Mentre ll’uocchie se ‘nfonneno ‘e suonne
E nun ponno durmì.
Comme s’è fatta longa ‘sta sagliuta!
Va trova si ‘nu juorno pò fernì…
Io trascino ‘a carretta d’ ‘e suonne
Pe’ ‘nu suonno ca tutt’è custato.
Me vò bbene però sò tant’anne
Ca me conta ‘nu fatto pe’ ‘n’ato.
Nun ‘o credo ma nun ciò dico
E m’astregna ‘ncopp’ ô core
Comme ‘n’amico
Mentre ll’uocchie se ‘nfonneno ‘e suonne
E nun ponno durmì.
Comme s’è fatta longa ‘sta sagliuta!
Va trova si ‘nu juorno pò fernì…
‘A carretta d’ ‘e suonne cammina,
Ma nun cagna ‘na strata pe’ ‘n’ata.