Festival di Napoli 1958

Rosi’, tu sei l’ammor!

Tu vuò na bella lettera
pecchè le ‘a fa vedè,
quann’e cumpagne spiano,
si voglio ‘bbene a te.
Ma sti parole ‘e zucchero
co ffuoco ‘e giuventù,
‘i nun te ssaccio scrivere
comme vulisse tu.
Ritornello:
E perdo ‘o tiempo e perdo ‘ll’ore sane
po’desiderio e e vedè felice
ma si te scrivo ‘a mo’ fin’a dimane
sultanto ‘e stesse frase sacciodì:
” Rosì, Rosì, io t’ame!
Ti tengo dentro al cuoro,
nel cuoro che ti brame,
Rosì tu sei l’amor!”.

Si te putesse esprimere
che tengo dinto ‘ccà,
quanta migliare ‘e lettere
te putarria mannà…
e tu m’avissa dicere.
“basta pe mo’ Genna’!
‘I nun ce ‘a faccio ‘a leggere,
che me vuò fa stancà?!”.
E perdo ‘o tiempo e perdo ‘ll’ore sane
po’desiderio e e vedè felice
ma si te scrivo ‘a mo’ fin’a dimane
sultanto ‘e stesse frase sacciodì:
” Rosì, Rosì, io t’ame!
Ti tengo dentro al cuoro,
nel cuoro che ti brame,
Rosì tu sei l’amor!”.

Basta ammore pe campà

L’aria da vita mia tu sì pe’ me
respiro sulo d’ammore ma dice
ca nun pò fruttà ‘nu capitale
fatte sulo ‘e core
Neh jamme belle piccerè
voglio vivere cu’ te
core mio c’hamma spusà
ma tu faje ‘e cunte cu’ mammà
dice ca nun pò bastà
core ammore e giuventù.
Pe’ dote nun tiene ‘a casa
ma mille vase me può purtà
ma tu pecchè vuò ragiunà
piccerè chi t’ho fa fa
basta ammore pe’ campà.
Si pe’ curredo niente può ricamà
te vesto io che carezze
senza denare songo ‘nu pascià
pecchè l’ammore è ‘a banca de’ ricchezze.
‘Nu juorne te sì decisa
che ‘o velo ‘e sposa se pò affittà
mò ‘o nennillo dice ‘nguè
doppo n’anno simme tre
e d”o munno songo ‘o rre
comme è ghiuta chi lo sa
a dimane nun penzà
basta ammore pe’ campà

Vurria


Dint’a na stanzulélla fredda e scura,
          addó’ na vota ce traseva ‘o sole,
          mo stóngo io sulo…e tengo na paura
          ch’a poco a poco, mme cunzuma ‘o core…
 
          Paura ca mme struje ‘sta malatia
          senza vedé cchiù Napule,
          senza vedé cchiù a te…
 
          Vurría turná addu te,
          pe’ n’ora sola,
          Napule mia…
          pe’ te sentí ‘e cantá
          cu mille manduline…
          Vurría turná addu te
          comm’a na vota,
          ammore mio…
          pe’ te puté vasá,
          pe’ mme sentí abbracciá…
          ‘Sta freva
          ca nun mme lassa maje!
          ‘sta freva
          nun mme fa cchiù campá…
 
          Vurría turná addu te
          pe’ n’ora sola,
          Napule mia…
          Vurría…vurría…vurría…
          ma stóngo ‘ncróce!
 
                                                          II
 
          Stanotte, dint”o suonno, si’ turnata…
          Mm’accarezzave, chiano, ‘sta ferita…
          Aggio sentuto mille serenate,
          aggio sentuto Napule addurmuta…
          Po’, ‘mmiez’a tanta nebbia, só’ caduto…
          senza vedé cchiù Napule,
          senza vedé cchiù a te!…
 
          Vurría turná addu te
          ………………..